A Asemblea Aberta de Feminismo de Galiza Nova Ourense, un espazo de reflexión, debate e acción feminista na que participan mozas e mozos da organización xuvenil do BNG ven de editar un caderno de formación que fai un percorrido pola historia do movemento feminista, as súas loitas, correntes, avances e difuldades así como un esbozo do movemento feminista na Galiza e un achegamento as novas teorías de xénero que cuestionan o modelo patriarcal pero tamén o modelo do feminismo clásico.
Esta iniciativa da Asemblea Aberta de Feminismo parte do ánimo de abrir espazos de debate e canles de formación interna e externa entre a mocidade para enriquecer a acción feminista apostando por novos modelos de participación no que tanto mozas como mozos se vexan implicados na loita feminista.
Descarga o caderno de formación O feminismo a través da historia
Tags: AAF, feminismo, Galiza Nova, ourense