A rede Galiza non se vende convoca unha nova mobilización o próximo domino 8 de maio, que sairá ás 12h desde a Alameda de Compostela, baixo o lema “Contra o saqueo socioambiental da nosa terra!”, concretado nas seguintes reivindicacións:
- Por unha utilización racional dos recursos naturais
- Pola protección do patrimonio natural e histórico
- Por unhas rías limpas
- Por uns ríos vivos
- Pola defensa da nosa soberanía alimentaria
- Por un litoral público e natural
- Por un urbanismo integrado na natureza e na nosa cultura
- Por uns montes ben xestionados
- Pola participación da cidadanía na xestión do noso
- Por unha xustiza incorruptible
- Polo respecto ás outras especies e a protección real da natureza
- Por un transporte colectivo eficaz
- Por unhas alternativas enerxéticas públicas e conscientes
- Por unha xestión responsable dos residuos
- Por un modelo económico e social máis xusto e solidario
- Polo fortalecemento do rural e a economía social na Galiza