III Açom da Marcha Mundial das Mulheres, 17 outubro de 2010 na Galiza

17outubro2010.jpg

 A 3ª Açom Internacional da MMM terá o seu encerramento com uma série de atividades que vam acontecer em Bukavu, RDC entre os dias 13 e 17 de outubro de 2010. Esperamos a participaçom de 1000 mulheres – especialmente da regiom dos Grandes Lagos Africanos – na semana de atividades, e mais de 1500 pessoas para a grande marcha pola paz no dia 17 de outubro.

conteúdo político da Açom Internacional expressar-se-á nos quatro Campos de Açom da MMM – Violência face às mulheres, Trabalho das Mulheres, Bem comum e serviços públicos, Paz e Desmilitarizaçom. No encerramento, queremos chamar a atençom especialmente para as ligações existentes entre a violência face às mulheres (a violaçom utilizada como arma de guerra e as mulheres consideradas botim de guerra), os conflitos e a militarizaçom. Isto permite-nos abordar os dous eixos estratégicos da MMM que som a luita contra as causas da pobreza e a violência face às mulheres.

A nossa presença na RDC

A ideia de ter o encerramento da 3ª Açom Internacional num país em conflito estivo no centro do debate no Encontro Internacional de Vigo, na Galiza, em outubro de 2008. As 148 delegadas, de 48 países, escolheram a localidade de Bukavu, uma cidade na província de Sud Kivu, na República Democrática do Congo (regiom dos Grandes Lagos Africanos).

As motivações para dita decisom som variadas:

  • As características específicas do conflito na regiom, que já continua por mais de 10 anos;
  • A utilizaçom sistemática das violações das mulheres e das nenas para humilhar, desonrar e desmoralizar, porque som consideradas como botim de guerra;
  • A existência de grupos de mulheres organizadas localmente / nacionalmente, o que oferece a possibilidade de manifestar a nossa solidariedade internacional por meio do fortalecimento destes grupos;
  • A utilizaçom das tensões étnicas para justificar os conflitos armados e, assim, disfarçar as causas económicas subjacentes: o controlo dos recursos minerais e da biodiversidade da regiom, além das ganâncias das indústrias de armamentos e das empresas de segurança privada;
  • A presença da Missom das Nações Unidas para a estabilizaçom na RDC (MONUSCO) – o que antes era a Missom da ONU na RDC (MONUC) – que, em 2010, cumpre 10 anos de presença na regiom, ainda que os impactos som debilmente percebidos pola populaçom. Isto acontece no contexto dum orçamento da MONUC para o período de 1º de julho de 2010 a 30 de junho de 2011 de US$73.393,00 para cada soldado (total de US$1,369 mil milhões para 18.653 soldados:

    http://www.un.org/en/peacekeeping/missions/monusco/facts.shtml), comparado ao PIB (Produto interno bruto) para os habitantes da RDC em 2008 de US$180,00 (o PIB da RDC para 2008 foi de US$11,6 mil milhões para uma populaçom de 66 milhões:http://www.diplomatie.gouv.fr/fr/pays-zones-geo_833/republique-democratique-du-congo_376/presentation-republique-democratique-du-congo_1274/donnees-generales_1760.html)

Os objetivos do Encerramento da 3º Açom Internacional, no RDC e na regiom dos Grandes Lagos Africanos:

  • Imortalizar as mulheres mártires de guerra;
  • Reforçar a autonomia socio-económica e política das mulheres congolesas;
  • Permitir que a República Democrática do Congo conheça uma paz durável que comece pola desmilitarizaçom do leste do país e a retirada progressiva e negociada da MONUSCO;
  • Consolidar a concertaçom entre as diferentes Coordenações Nacionais da MMM da regiom dos Grandes Lagos;
  • Reforçar a capacidade de mobilizaçom e de influência das mulheres congolesas e da regiom;
  • Denunciar os interesses económicos que mantêm o conflito na RDC, especialmente a cumplicidade das milícias;
  • Luitar para que os recursos naturais da RDC beneficiem prioritariamente o povo congolês;
  • Exigir que os responsáveis polas agressões sexuais e pola utilizaçom dos corpos das mulheres como arma de guerra sejam punidos.

Coordinadora Nacional Galega leva vários meses realizando diversas actividades e encontros a nível local e nacional para divulgar os valores de traballho em rede das mulheres contra a violencia machista e pola paz e desarme, assim como para preparar o momento mais importante da III Açom Internacional, no próximo domingo, 17 de Outubro a partir das 11:30 horas.

Nesta data, conscientes das açons e mobilizaçons simultáneas das irmás em todo o mundo, as mulheres galegas unirám-se às celebraçons com as seguintes actividades:

– Realizarán a Acçom Nacional Galega em Vigo (Pontevedra), com diversas actividades, exposiçons e obradoiros, que terám como eixe central a constituiçom dum Tribunal de  Acusaçom, através do qual visibilizarám e denunciarám a situaçom que estám a viver as mulheres na RD do Congo.

– Enviarám duas delegadas galegas a participar na Mobilizaçom Internacional em Sud Kivu (RD Congo) na que se espera assistam mais de 1000 mulheres de todo o mundo, especialmente da zona dos Grandes Lagos e resto de África.

PROGRAMAÇOM EN VIGO.

11:30 horas: Obradoiros e exposiçons

12:30 horas: Tribunal de Acusaçom

14:00 horas: Atuaçom de Tanxedoras

Mulheres em marcha, até que todas sejamos livres!

Partíllao!

En Facebook
En Twitter
En Pinterest
Polo WhatsApp
Ou polo Telegram
Email

Deixa un comentario