Estudantes de Informática defenden as súas titulacións

informatica1.jpg

O pasado 17 de marzo estudantes, docentes e traballadores do ámbito das Enxeñarías en Informática manifestábanse na cidade da Coruña cunha mensaxe clara: a defensa das súas titulacións. A mobilización, convocada pola Plataforma Galega para a Defensa das Enxeñarías en Informática (PGDEI), tivo un grande éxito de asistencia (ao igual que a mobilización que houbo o 19 de novembro na mesma liña) onde se exixía a regulación das Enxeñarías en Informática, tanto no ámbito académico coma no profesional.

Esta mobilización axudou a elevar a consciencia entre os estudantes do que supón o proceso de Boloña, aplicado ao caso concreto da Informática. Dado que as titulacións non tiñan regulación profesional, a Enxeñaría en Informática ficou fóra das fichas competenciais que elaboraba o Ministerio de Ciencia e Innovación á hora de que haxa unha homologación dos futuros títulos de grao e máster, unha vez se instale definitivamente no sistema universitario o Espazo Europeo de Educación Superior. Gracias á mobilización de Novembro, á que se lle dou continuidade coa do 17 de Marzo, o Ministerio de Ciencia recuou e elaborou unhas “pseudofichas” que serven de ponto de partida cando se elaboren os futuros graos. Agora só resta a súa publicación no BOE através dunha orde ministerial.

Outro aspecto que pretendían socializar os manifestantes é mellorar a consideración social das Enxeñarías en Informática, pois consideran que está presente en practicamente todos os ámbitos da nosa vida diaria: a información en formato dixital, o acceso e automatización do seu tratamento, a creación constante de hardware más potente ou de menor tamaño e a creación de software para dotar á sociedade de novas habilidades no ámbito social ou profesional (desde o ámbito da medicina até o aeronáutico) supuxo unha transformación completa da sociedade.

informatica2.jpg

Partíllao!

En Facebook
En Twitter
En Pinterest
Polo WhatsApp
Ou polo Telegram
Email

Deixa un comentario