Concentracións en defensa do ensino público

Ante a inauguración do curso escolar polos representantes educativos da Xunta de Galiza e do Goberno de España, acompañados polo xefe do Estado, o Rei Felipe VI, desde Isca! queremos facer as seguintes consideracións.

Afirmamos que o modelo do Estado Español xurdido da transición está a vivir hoxe un momento de creba, consecuencia, entre outros factores, do avance imparábel dos proxectos de corte independentista como puidemos comprobar hai 2 días nas colosais mobilizacións que tiveron lugar nos Països Catalans, desde o monumental V até as anteriores e posteriores convocatorias unitarias da esquerda independentista. Un proxecto imparábel que constitue nestes momentos a principal ameaza real ao Estado, sustentado na idea da indisoluble unidad.

Este foi, entre outros, un dos factores determinantes para a abdicación do Rei Juan Carlos I no seu fillo, Felipe VI. A figural real sempre foi vendida como símbolo de estabilidade e garante da igualdade e a democracia no Estado mais, ante o avance do pensamento de que a monarquía é unha institución obsoleta e retrógrada, presentan a un novo Rei supostamente respetuoso da multiculturalidade e acorde ás esixencias da socliedade moderna.

Tamén afirmamos que o sistema educativo é cada día máis precario e conta con máis carencias. O abandono, desmantelamento e a baixada da calidade do ensino oúblico é directamente proporcional ao apoio e potenciación que se fai do ensino privado, incluíndo tamén aqueles centros que segregan por sexos. A LOMCE non é máis que a plasmación das medidas do neoliberalismo no campo do ensino, o último e definitivo asalto do capital á ensinanza pública. Mercantilización, segregación, discriminación lingüísitica e españolización son os piares dunha lei impulsada por un Goberno Español que nos conduce irremediablemente ao abismo se non somos quen de derrotalos.

Por todo isto chamamos á mocidade galega a secundar as concentracións que se teñen convocado en repulsa da presenza de José Ignacio Wert, Jesús Vázquez e Felipe VI na inauguración do novo curso educativo no colexio Ben-Cho-Shey de Pereiro de Aguiar. Porque para construir ese novo ensino que queremos, galego e popular, debemos ter no noso poder as ferramentas acaídas, isto é, a soberanía de desmontar todas as estruturas opresivas coas que podamos cuestionar o sistema no seu conxunto e construír un novo desde abaixo. Temos o dereito a decidir, a decidir ser independentes, a decidir o modelo de ensino, a decidilo todo.

* Concentración en Ourense, a véspera da chegada do Rei, o 15 de setembro ás 20:00 horas na Subdelegación do Goberno.

* Convocados pola Plataforma Galega en Defensa do Ensino Público concentrarémonos o día 16 diante do colexio Ben-Cho-Shey ás 12:00 horas en Pereiro de Aguiar

.

A ruína dun pobo!

En defensa do ensino público!

Partíllao!

En Facebook
En Twitter
En Pinterest
Polo WhatsApp
Ou polo Telegram
Email

Deixa un comentario