A vaca, o noso símbolo contra o españolismo (Video da acción de Isca!)

[Actualización: todas as persoas detidas xa foron liberadas]

Como xa adiantabamos nunha nova anterior, 3 militantes da nosa organización foron detidos e tiveron que pasar a noite nos calabozos , agardando a entrada en vigor do Habeas Corpus solicitado polo seu avogado. O seu único delicto, participar nunha acción pacífica de denuncia da hipocrisia do dobre discurso da entidade españolista “Galicia Bilingüe”. As nosas militantes ian disfarzadas de vacas e pretendían mostrar un cartaz diante dos dirixentes da organización segregacionista, nun día que será recordado pola brutalidade policial e pola aldraxe que supuxo a marcha supremacista de “Galicia Bilingüe” polas rúas da capital do noso país. Queremos tamén solidarizarnos co resto de detidas e cos numerosos contusionados polos golpes da polícia e dos españois que acudiran a esta mostra de odio visceral á língua e cultura galegas.

 Eis o video da nosa acción:

A continuación, reproducimos un texto de Castelao sobre a simboloxía da vaca para a nosa cultura:

vaca.jpg “A vaca é o símbolo da paz.

Val máis o que siñifica unha vaca que o que simboliza un león rampante. Xa o dixo un dos nosos economistas: ” O albre xenealóxico dunha vaca de leite é máis útil que o albre xenealíco dun aristócrata”.

A vaca esquenceuse dos cornos e danos o seu traballo, o seu leite, a súa carne, o seu coiro e a carne e o coiro dos seus fillos. Nonos pode dar máis.

O can será o amparo dos ricos, que defende a propiedade do amo e ladra aos pobres que van polos camiños.En troques a vaca é o amparo dos pobres libres.

Os concursos de vacas leiteiras valen máis que os “concursos de Belleza”.

A nosa vaca ten o pesebre en Galiza e os tetos en Madrid. E o que lle dá de comer a unha vaca non ten dereito a muxila.

As “señoritas” que choran pola morte dun can ridículo non comprenden a door dunha familia labrega cando se lle morre unha vaca.

Se non fose polo leite das vacas a piolleira das cidades morrería desnutrida.A vaca é a ama de cría da Humanidade.

O día que nós emitamos papel-moeda non estamparemos nel o retrato dos políticos, nin dos sabios, nin dos artistas; estamparíamos somentes, a figura dunha vaca, como símbolo da nosa economía humanamente distribuida.

O día que Galiza sexa unha comunidade cooperativa ergueremos un gran moimento cunha vaca de bronce dourado.

Tamén hai razas de vacas, e a mellor é a nosa.

O día que seipamos o que val unha vaca, Galiza quedará redimida.

A. Daniel Rodríguez Castelao

Partíllao!

En Facebook
En Twitter
En Pinterest
Polo WhatsApp
Ou polo Telegram
Email

Deixa un comentario